Юрый Малееў: «Нам трэба яшчэ шмат дадаваць і вучыцца»
Галоўны трэнер жаночай нацыянальнай зборнай Беларусі адказаў на пытанні журналістаў пасля гульні кваліфікацыі чэмпіяната Еўропы УЕФА 2021 супраць Нарвегіі.
- Лік кажа сам за сябе. Магу сказаць, што каманда гуляе так, як ей дазваляе супернік. Нам сення дазволілі вельмі мала, калі не сказаць увогуле нічога. У прынцыпе наш сенняшні ўзровень такі, што каманды хапае на 30-35 хвілін у супрацьстаянні з топавымі апанентамі.
Вы задаволены гэтымі 30-35 хвілінамі?
- У нас быў пэўны план на гульню. Адпаведна плану мы павінны былі дзейнічаць пэўным чынам у залежнасці ад той ці іншай сітуацыі. На названым ажрэзку гэта збольшага спрацавала. Пры падрыхтоўцы мы дэманстравалі шэраг сустрэч з чэмпіяната свету і ў прыныпе мы нейтралізавалі тую футбалістку, якую вінны былі нейтралізаваць. Я кажу пра 6 нумара, якая асноўны гулец і капітан зборнай - і вядзе гульню ў лонданскім «Чэлсі». Гэтую дзўчыну даволі цяжка закрыць, а вось нумар 3 неаднаразова памылялася, як у матчах чэмпіяната свету, так і ў сустрэчы супраць зборнай Англіі, якую яны выйгралі. Таму я магу сказаць, што, хутчэй, задаволены, але гульней абароны.
Падалося, што ў цэнтры поля згулялі добра і не дазволілі шмат чаго стварыць нарвежкам...
- Пагаджуся. Але вы зразумейце, што для нас такія матчы – гэта сур'езная школа. Калі мы рыхтаваліся да гульні, тлумачылі дзяўчатам прынцыпы гульні зборнай Нарвегіі. Яны дзейнічалі ў два апорныя паўабаронцы, два інсайды і два форварды, якія ўтваралі большасць. Наша задача была не даць ім гэта зрабіць, але, як вы бачылі, нашыя крайнія паўабаронцы адужалі роўна 30 хвілін. На вялікі жаль, Таня Краснова нават траўму атрымала. Каб супернічаць з такімі камандамі зборнай Беларусі ў першую чаргу трэба знаходзіцца ў добрых фізічных кандыцыях. Мы саступаем ў тэхніцы, бо ў суперніка зусім іншы набор і падбор футбалістаў, таму для таго, каб вытрымліваць высокую інтэнсіўнасць гульні, нам у першую чаргу неабходны добрыя фізічныя кандыцыі. Сення нас хапіла на 30-35 хвілін. Гульней у цэнтры поля я не вельмі задаволены, таму што тыя заданні, якія даваліся футбалісткам, выконваліся роўна 30 хвілін, а пасля нас не хапіла фізічна. І гэта вылівалася ў тое, што нас разрывалі праз цэнтр, на флангах і стваралі небяспечныя моманты... Яшсэ хацеў бы падзякаваць Наталлі Васкабовіч, якая неаднаразова нас сення ратавала.
Нарвежкі правялі ў Мінску пяць дзен. Сачылі за імі?
- Канешне. Гэта жывы падручнік. Можна сто разоў пачуць, аднак зразумець нешта можна хутчэй, калі ты адчуеш усе на ўласным досведзе. Гэта ўрок для гульцоў і для трэнерскага штаба. Я тут нас не падзяляю. Усе мы вучымся. Калі шчыра сказаць, гэта была мая лббімая каманда на першынстве свету, але тады я не ведаў, што мы патрапім у адну групу. А калі даведаўся, мне нават стала цікава, як мы будзем выглядаць на такім узроўні.
Сення два мячы прапусцілі са стандартаў. Атрымліваецца, не зусім удала згулялі ў гэтым кампаненце?
- Згодны. Тут можна дэманстраваць, расстаўляць і распавядаць падрабязна, але што такое стандарт? Гэта статычнае становішча, дзе асаблівую ролю адыгрывае ўвага. Ты паглядзеў на мяч, павярнуўся, і праз долю секунды гулец ужо побач. Таму ў гэтым кампаненце, як і ў шматлікіх іншых, нам трэба шмат дадаваць і вучыцца, каб супернічаць з такімі апанентамі. Для таго каб узняць узровень футбола, нам неабходна працаваць усім разам, пачынаючы ад клубаў, дзе дзяўчыны рыхтуюцца, да зборнай. У нас не так шмат часу. Усяго тры дні збору і гульня з Нарвегіяй. Пасля яшчэ тры дні і гульня з Уэльсам. Есць шмат праблем, і мы пастаянна абмяркоўваем, як іх вырашыць. Мы намагаемся, аднак нешта атрымліваецца, а нешта не.
Куніцкая не выклікалася ў зборную. Яна прыехала з Турцыі і, як падалося, сення дрэнна ўвайшла ў гульню. Знікла хуткасць. Як пракаментуеце?
- Адносна нядаўна працую ў зборнай - і мне цікава паглядзець у справе ўсіх футбалістак. Лепш адзін раз пабачыць, чым сто разоў пачуць. Канешне, я уікаўлюся ўсемі дзяўчатамі, аднак для таго, каб скласці найбольш поўнае ўражанне, мне неабходна самому пабачыць гульца жыўцом. Толькі так я змагу зразумець, на каго разлічваць далей, а каму варта сказаць «дзякуй» сення. Замену зрабіў пры ліку 1:5. Сення мне трэба было праверыць яе ў справе, што і зрабіў.
У аўторак гульня супраць Уэльса Каманда сур'езна дадала за апошнія 10 год. Уэльс згуляў два матчы ў бягучай кваліфікацыі. Ці глядзелі вы гэтыя гульні?
- Глядзеў абодва матчы. Гульню супраць Фарэрскіх астравоў назіраў яшчэ перад нашай першай хатняй сустрэчай. Зразумела, тады больш увагі надзяляў Фарэрам, таму што біцца трэба было супраць іх. Аднак ужо ў той час глядзеў ужо і на Уэльс. Тактычная схема Уэльса ў матчах супраць Фарэрскіх астравоў і Паўночнай Ірландыі адрознівалася. У першым двубоі яны дзейнічалі 4-4-2, а супраць ірландак згулялі ў тры абаронцы. Можна меркаваць, што ў іх есць хатняя і выязная мадэлі. Магу сказаць, што гэта вельмі добрая каманда. Увогуле ў нашай групе ўсе каманды даволі добрага ўзроўню. Паўтаруся: для таго, каб супернічаць з такімі апанентамі, нам трэба добра рыхтавацца фізічна, тактычна і псіхалагічна.
Любоў Гудчанка не выклікалася ў зборную. У чым прычына?
- Не так даўно сустракаўся з галоўным трэнерам зборнай Літвы і футбольнага клуба «Гінтра», колеры якога абараняе Любоў. Нас усіх збіралі ў Мілане пасля чэмпіяната свету. Любоў атрымала пашкоджанне, таму мы яе не выклікалі. Плюс, як ужо казаў, каб займець ўражанне пра дзяўчат, мне трэба глядзець у справе розных гульцоў.