Сяргей Яромка: «10:0 мы даўно забылі»
Галоўны трэнер моладзевай зборнай Беларусі адказаў на пытанні журналістаў, напярэдадні маючых адбыцца матчаў каманды супраць Славакіі і Гібралтару.
- Перад афіцыйнай гульнёй вам трэба будзе правесці спарынг са Славакіяй. Якія задачы на гэты матч?
- Добра, што мы маем спарынг, магчымасць разам сабрацца, правесці кантрольную гульню. Можа быць супернік не той, якога хацелася б перад гульнёй з Гібралтарам. Але ўсё роўна сякія-такія нюансы мы будзем мадэляваць. Канец сезону, дзесьці футбалісты прытаміліся, нехта наадварот не дабірае гульнявой практыкі - зыходзячы з гэтага і будзем вар'іраваць склад. Будзем задзейнічаць максімальна ўсіх футбалістаў.
- Не той супернік - вы маеце на ўвазе, што ён значна мацней?
- Так, вы мяне правільна зразумелі.
- Вы казалі, што паступова строіце моладзевую зборную. Задаволеныя гэтым працэсам? Вызначыліся ці для вас тыя стрыжневыя футбалісты, вакол якіх будуецца каманда?
- Персанальна футбалістаў я выдзяляць не буду. Касцяк вызначыўся і з кожным зборам ратацыі не вельмі вялікая. Зараз выбыў па траўме Кучынскі, нядрэнна сябе праявіў Малькевіч, Лях. Таму гэтыя футбалісты ўводзяцца. Месца ў складзе заваяваў Ксенафонтаў. Гэта для нас добра. Калі строіцца каманда, вызначаюцца нейкія патрабаванні. Гэта патрабаванні індывідуальнага плана, камандай тактыкі гульні ў абароне і нападзе. Калі змяняць футбалістаў часта і шмат - цяжка строіць каманду. А калі дадаецца 1-2 футбаліста, тады калектыў разумее выразна і ясна, што ад яго патрабуецца. А так касцяк вымалёўваецца, можа няма занадта яркіх асоб, але сам калектыў сфармаваны.
- Пасля хатніх 10:0 з Гібралтарам, акрамя самой перамогі, ці ёсць нейкія іншыя мэты перад камандай, напрыклад, па колькасці галоў?
- Мэта самая галоўная зараз адна - спусціцца з нябёсаў і забыць тую гульню. Гэта самае галоўнае. Калі футбалісты змогуць гэта зрабіць, а я спадзяюся яны змогуць - тады будзе ўсё нармальна. Пра колькасць забітых галоў я не думаю. Важная прынцыпова перамога. Той жа Кіпр абыграў Гібралтар ўсяго 1:0, партугальцы абыгралі ўсяго 4:0. 10:0 мы даўно забылі. Гэта першае, што я скажу сёння на сходзе.
- Ці ёсць ужо намёткі па плане работы на наступны год?
- Вы ведаеце, што ў нас будзе ў сакавіку месяцы гульня з Нідэрландамі. Мы абмяркоўвалі гэтую тэму з кіраўніцтвам федэрацыі - калі будзе вызначаны бюджэт на наступны год, мы будзем нешта планаваць. Ужо паступаюць прапановы спарынгаў. Я думаю, будзе прынята аптымальна рашэнне па тэрмінах і той камандзе, з кім мы будзем гуляць. Думаю, у бліжэйшы час нешта праясніцца. Але тое што будзе - гэта адназначна.