Выклiк у моладзевую зборную
Сяргей Яромка вызначыўся з канчатковым спісам гульцоў, выкліканых на матч кваліфікацыі чэмпіянату Еўропы УЕФА 2021 супраць зборнай Гібралтара, а таксама на таварыскі матч супраць Славакіі.
Збор каманды U-21 будзе доўжыцца з 11 па 20 лістапада. 14 лістапада беларусы згуляюць на выездзе спарынг супраць Славакіі, а 19 лістапада нашу зборную чакае выязны афіцыйны матч супраць Гібралтара (пачатак у 22.00 па беларускім часе).
Галоўны трэнер уключыў у канчатковы склад моладзевай каманды 23 футбаліста:
Брамнікі: Павел Паўлючэнка («Дынама-Брэст»), Станіслаў Кляшчук («Смалявічы»), Аляксандр Свірскі (БАТЭ, Барысаў).
Абаронцы: Арцём Шкурдзюк (РЦАР-БДУ, Мінск), Уладзіслаў Малькевіч (БАТЭ, Барысаў), Уладзіслаў Лях, Максім Швяцоў (абодва - «Дынама-Мінск»), Ілля Лукашэвіч («Пралетэр», Нові-Сад, Сербія), Глеб Шаўчэнка («Славія-Мазыр»).
Паўабаронцы: Раман Вягера, Уладзіслаў Яцкевіч (абодва - «Нёман», Гродна), Павел Сядзько, Дзяніс Грачыха (абодва - «Рух», Брэст), Максім Мякіш (БАТЭ, Барысаў), Сяргей Воўкаў («Віцебск»), Дзмітрый Барадзін («Смалявічы»), Арцём Пятрэнка («Славія-Мазыр»), Антон Суша, Аляксандр Ксенафонтаў (абодва - «Дынама-Мінск»), Дзмітрый Падстрэлаў («Дняпро-МЧЗ», Магілёў), Арцём Канцавы («Мэзэкевешд», Венгрыя).
Нападаючыя: Уладзіслаў Мухамедаў («Смалявічы»), Ілля Шкурын (РЦАР-БДУ, Мінск).